CIDADES

As cidades gardan nos seus peiteados un soño azul,
nos tacóns, un cadáver,
e na papiroflexia dos seus seos,
un intocable disco de vinilo,
un calcetín impar,
un prato herdado,
un piano poeirento,
un sutil arrecendo a especia exótica,
un segredo,
unha risa,
unha billa que pinga,
un neno triste…
 
Tan só Berlín
ten o teu nome escrito no cristal dun café
unha tarde de chuvia.
 
 
Berlín, maio 2006