#fotopoemas
A nogueira esfollada tratou de embelecerse
tal como a ve a lúa coas súas lentes de prata.
NOGUEIRA ESPIDA
Resposta
Arquivo por meses: Novembro 2018
CAMIÑOS I
Os paxaros nas árbores e os carros nos camiños
facían harmonías que foi levando o tempo.
GAIOLA DE OUTONO
#fotopoemas
A media morte busca unha gaiola
que cambia as decisións de espazo e tempo.
VELORIO INVERNAL
#fotopoemas
Cae a viña vencida e os chanteiros ciriais
vélanlle a faramalla ata a resurrección.
CARPE DIEM
#fotopoemas
Ven gozarme e non sintas a chamada da serpe
senón a da soidade que atoparás mañá.
CARREIRO DE OUTONO
#fotopoemas
O carreiro de outono é un pintor
que ten nalgún museo o que che amosa.
MEDIO CORAZÓN
#fotopoemas
Na sobreira latexa o medio corazón
que esqueceu acabar a saltasebes moza.
SOLPOR
#fotopoemas
Sobre o mar outro mar de aire. A nube
ingrávida repousa como un soño.
DONS DO SOL
#fotopoemas
Baixou o sol dourando as follas e os bugallos
como pequenos astros que morresen tras del.
Tirar do fío 