ONDAS

#fotopoemas

#poesiaminima

#tanka

 

Lonxe da praia

atopo sempre as ondas

dos teus ecos.

 

O amor festoneado

do teu mar vai en min.

VOAR AZUL

#fotopoemas

#poesiaminima

#tanka

 

Sutil aroma

escalador do aire

ata o paxaro.

 

Prendéuseme na boca

algún voar azul.

HELICOIDAL

#fotopoemas

#poesiaminima

#tanka

 

Verte tan cerca

virou a tarde toda

helicoidal.

 

Remuiños de labios

soben bicar a lúa.

DELICADEZA

#fotopoemas

#poesiaminima

#tanka

 

Delicadeza

na paixón enreixada

da cita escura.

 

Esfollamos camelias

entre os dedos da noite.

OS BARROTES DA NOITE

#fotopoemas

#poesiaminima

#tanka

 

Ti e o solpor

levástesme á gaiola

do vagalume.

Que fortaleza teñen

os barrotes da noite.

CAEU A ESTRELA

#fotopoemas

#poesiaminima

#tanka

 

Pousou a estrela

nun mar que a chuvia deita

desde os tellados.

Que luminaria esconden

as lagorzas amantes.

NOIVA DE INVERNO

#fotopoemas

#poesiaminima

#tanka

 

 

Noiva de inverno

coa cabeza tocada

chegas á cita.

Os encontros fugaces

desbordando a paixón.